ഗുജറാത്തില്‍ ഗുണ്ടകളുടെ ആക്രമണത്തില്‍ 20 ദിവസം പ്രായമുള്ള പിഞ്ചു കുഞ്ഞ് കൊല്ലപ്പെട്ടു
Jun 8, 2019, 12:23 IST
അഹമ്മദബാദ്: ഗുജറാത്തില്‍ ഗുണ്ടകളുടെ ആക്രമണത്തില്‍ 20 ദിവസം പ്രായമുള്ള പിഞ്ചു കുഞ്ഞ് കൊല്ലപ്പെട്ടു. അഹമ്മദാബാദ് നഗരത്തിലെ മേഘാനിനഗര്‍ മേഖലയിലായിരുന്നു സംഭവം നടന്നത് . ലക്ഷ്മി പട്നി എന്ന സ്ത്രീയുടെ വീട്ടിലായിരുന്നു അഞ്ചംഗ സംഘം വ്യാഴാഴ്ച രാത്രി ആക്രമണം നടത്തിയത്. ആക്രമണത്തില്‍ ലക്ഷ്മിക്കും സഹോദരിക്കും പരിക്കേറ്റു. മുന്‍വൈരാഗ്യമാണ് ആക്രമണത്തിനു കാരണം.
