റഷ്യ അമേരിക്ക യുദ്ധക്കപ്പലുകളുടെ കൂട്ടിയിടി; ഒഴിവായത് വൻ ദുരന്തം
ടോക്കിയോ: കിഴക്കൻ ചൈനാ സമുദ്രത്തിൽ റഷ്യയുടെയും അമേരിക്കയുടെയും യുദ്ധക്കപ്പലുകൾ തമ്മിൽ കൂട്ടിയിടി ഒഴിവായി. 50 മീറ്റർ അടുത്തെത്തിയ യുദ്ധ കപ്പലുകൾ തലനാരിഴയ്ക്കാണ് രക്ഷപെട്ടത്.
അമേരിക്കയുടെ ഏഴാം കപ്പൽപ്പടയിലെ മിസൈൽവാഹക കപ്പലായ യുഎസ്എസ് ചാൻസലേഴ്സ് വില്ലയുടെ പിന്നാലെ സഞ്ചരിച്ച റഷ്യയുടെ പസഫിക് കപ്പൽപ്പടയിലെ അഡ്മിറൽ വിനോഗ്രദോവ് എന്ന നശീകരണിക്കപ്പൽ പെട്ടെന്നു വേഗം കൂട്ടുകയായിരുന്നുവെന്നു അമേരിക്കൻ പ്രസ്താവന കുറിപ്പിൽ പറയപ്പെടുന്നു. എന്നാൽ റഷ്യൻ നശീകരണിക്കപ്പലിന്‍റെ പാതയിലേക്ക് അമേരിക്കൻ കപ്പൽ പാഞ്ഞുവരികയായിരുന്നുവെന്നു റഷ്യൻ നാവികസേന കുറ്റപ്പെടുത്തി.
