പെട്രോൾ പന്പുകൾ വ്യാഴാഴ്ച അടച്ചിടും
കോട്ടയം: ജില്ലയിലെ മുഴുവൻ പെട്രോൾ പന്പുകളും വ്യാഴാഴ്ച അടച്ചിടും.കോട്ടയം ജില്ലയിലെ ചില ഡീലർമാർക്ക് പെട്രോളിയം കന്പനികൾ ഇന്ധനം എത്തിച്ചു കൊടുക്കാത്തതിൽ പ്രതിഷേധിച്ചാണ് വ്യാഴാഴ്ച പൂർണമായി പന്പുകൾ അടച്ചിടുന്നതെന്ന് പെട്രോളിയം ഡീലേഴ്സ് അസോസിയേഷൻ ജില്ലാ പ്രസിഡന്റ് ലൂക്ക് തോമസ്, സെക്രട്ടറി ജേക്കബ് ചാക്കോ എന്നിവർ പറഞ്ഞു.
ഡീലർമാർ പണമടച്ചിട്ടും ഇന്ധനം എത്തിച്ചു നൽകാൻ കന്പനികൾ തയാറാകുന്നില്ലെന്നും പ്രശ്നത്തിന് എത്രയും വേഗം പരിഹാരം കാണാൻ കന്പനികൾ തയാറാകുന്നില്ലെങ്കിൽ സംസ്ഥാനത്തെ മുഴുവൻ പെട്രോൾ പന്പുകളും അടച്ചിടുമെന്ന് ഓൾ കേരള പെട്രോളിയം ഡീലേഴ്സ് അസോസിയേഷൻ പ്രസിഡന്റ് കെ.പി.ശിവാനന്ദൻ പറഞ്ഞു.