മണിയൂര് ഡിസ്പെന്സറിക്കു സമീപം കാടിനു തീപിടിച്ചു; അര ഏക്കറോളം കാടുകള് കത്തിനശിച്ചു
Apr 8, 2021, 10:12 IST
വടകര: മണിയൂര് ഡിസ്പെന്സറിക്കു സമീപം കാടിനു തീപിടിച്ചു. സംഭവത്തിൽ അര ഏക്കറോളം കാടുകള് കത്തിനശിച്ചു. ബുധനാഴ്ച പുലര്ച്ചെ ഒരു മണിക്കാണ് സംഭവം നടന്നത് .സംഭവ സ്ഥലത്ത് നേരത്തെ തൊട്ടടുത്തുള്ള മാലിന്യത്തിനു തീയിട്ടിരുന്നു .ഇതിൽ നിന്ന് തീ പടര്ന്നതാണെന്ന് സംശയിക്കുന്നത് .സംഭവത്തെ തുടർന്ന് വടകരയിലെ അഗ്നിശമന സേന എത്തി തീകെടുത്തി. വേനലിന് കാഠിന്യമേറിത്തുടങ്ങിയതോടെ തീപിടിത്ത സംഭവങ്ങള് പതിവാകുകയാണെന്നും . ഈ സാഹചര്യത്തില് തീയിടുമ്ബോഴും മറ്റും ഏറെ കരുതല് വേണമെന്നും അഗ്നി ശമനസേന പറഞ്ഞു .