നിപ ; പുറത്തുവരുന്നത് ആശ്വാസകരമായ വാർത്തകളെന്ന് മുഖ്യമന്ത്രി
Jun 6, 2019, 18:26 IST
കൊച്ചി: നിപയുമായി ബന്ധപ്പെട്ട് പുറത്ത് വരുന്ന വാർത്തകളെല്ലാം ആശ്വാസം നൽകുന്നതാണെന്ന് മുഖ്യമന്ത്രി പിണറായി വിജയന് പറഞ്ഞു . ഐസൊലേഷൻ വാർഡിലുള്ളവർക്ക് വൈറസ് ബാധയില്ലെങ്കിലും ജാഗ്രത തുടരണമെന്ന് അദ്ദേഹം വ്യക്തമാക്കി.
നിപയുടെ ഉറവിടം കണ്ടെത്താൻ ബന്ധപ്പെട്ട വകുപ്പുകളുമായി ചേർന്ന് കൂടുതൽ ഗവേഷണം നടത്തും . രോഗ പ്രതിരോധപ്രവർത്തനങ്ങൾ തുടരുമെന്നും മുഖ്യമന്ത്രി പറഞ്ഞു . കൊച്ചിയില് ചേര്ന്ന അവലോകന യോഗത്തിന് ശേഷം മാധ്യമനങ്ങളോട് പ്രതികരിക്കുകയായിരുന്നു അദ്ദേഹം. അതേസമയം, നിപ ബാധയുടെ പശ്ചാത്തലത്തിൽ ആരോഗ്യമന്ത്രി കെ കെ ശൈലജ ഇന്ന് ദില്ലിക്ക് തിരിക്കും. കേന്ദ്ര ആരോഗ്യമന്ത്രി ഹർഷവർദ്ധനുമായി നടത്തുന്ന കൂടിക്കാഴ്ചയിൽ കേരളത്തിലെ പ്രതിരോധ പ്രവർത്തനങ്ങൾ ചർച്ച ചെയ്യും.