പൊലീസിന് നേരെ ആക്രമണം; യുവാവ് അറസ്റ്റില്‍
മതിലകം: പൊലീസിനു നേരെ ആക്രമണം . കേസില്‍ യുവാവിനെ പോലീസ് അറസ്റ്റ് ചെയ്തു. മതിലകം കൂളിമുട്ടം ഭജനമഠം കുരാംപുറത്ത് വീട്ടില്‍ ഹരികൃഷ്ണനെയാണ് (25) മതിലകം ഇന്‍സ്പെക്ടര്‍ കെ.സി. വിനുവും സംഘവും അറസ്റ്റ് ചെയ്തത്.
ഞായറാഴ്ച വൈകീട്ട് 6.30ഓടെ ഭജനമഠം ബീച്ചിലാണ് കേസിനാസ്പദമായ സംഭവം നടന്നത് . ഇളയരാംപുരയ്ക്കല്‍ ജിജിയുടെ പരാതിയെ തുടര്‍ന്ന് കേസന്വേഷിക്കാന്‍ സി.ഐയും സംഘവും ഭജനമഠം ബീച്ചിലെത്തി പരാതിക്കാരനുമായി സംസാരിക്കുന്നതിനിടെ ഹരികൃഷ്ണന്‍ പൊലീസിനെ ആക്രമിച്ചെന്നാണ് കേസ്. പ്രതിയെ ഉടന്‍ കസ്റ്റഡിയിലെടുത്ത് പൊലീസുകാരെ ദേഹോപദ്രവം ഏല്‍പിച്ചതിനും ഔദ്യോഗിക കൃത്യനിര്‍വഹണം തടസ്സപ്പെടുത്തിയതിനും കേസെടുത്തു.
