ഇരുവരും പ്രണയിച്ചത് ഒരു പെൺകുട്ടിയെ; സംഭവത്തിൽ യുവാക്കള്‍ തീവണ്ടിക്ക് മുന്നില്‍ച്ചാടി ജീവനൊടുക്കി
രാജസ്ഥാൻ : ഒരു പെണ്‍കുട്ടിയെ പ്രണയിച്ച ബന്ധുക്കളായ യുവാക്കള്‍ ആത്മഹത്യ ചെയ്തു .യുവാക്കൾ തീവണ്ടിക്ക് മുന്നില്‍ ചാടിയാണ് ആത്മഹത്യ ചെയ്തത് . രാജസ്ഥാന്‍ ബുന്‍ഡി ജില്ലയില്‍ ഞായറാഴ്ച പുലര്‍ച്ചെയാണ് സംഭവം നടന്നത് .23 വയസുകാരായ മഹേന്ദ്ര ഗുര്‍ജാര്‍, ദേവ്രാജ് ഗുര്‍ജാര്‍ എന്നിവരാണ് ജീവനൊടുക്കിയത് . രണ്ടുപേരും പ്രണയിച്ചിരുന്ന പെൺകുട്ടിയുടെ പേര് ‘ആശ’ ഇരുവരും കയ്യിൽ പച്ചകുത്തിയിരുന്നതായി പൊലീസ് വെളിപ്പെടുത്തി .മരിച്ചവരുടെ ഫോണ്‍ രേഖകളില്‍നിന്നും ഫോട്ടോകളില്‍നിന്നുമാണ് ഇരുവരും ഒരേ പെണ്‍കുട്ടിയെയാണ് പ്രണയിച്ചിരുന്നതെന്ന് വ്യക്തമായത് . അതെ സമയം പെണ്‍കുട്ടിയുടെ കൂടുതല്‍ വിവരങ്ങള്‍ അറിയില്ലെന്നും പൊലീസ് പറഞ്ഞു. പ്രാഥമിക നിഗമനത്തില്‍ ഇരുവരും ആത്മഹത്യ ചെയ്തതായാണ് നിഗമനമെന്നും ആത്മഹത്യ കുറിപ്പ് കണ്ടെത്തിയിട്ടില്ലെന്നും പൊലീസ് അറിയിച്ചു . ഇരുവരുടെയും മൃതദേഹങ്ങള്‍ ബന്ധുക്കള്‍ക്ക് കൈമാറി. സംഭവത്തില്‍ പൊലീസ് കേസെടുത്തു .
