കോവിഡ് വാക്സിന് സര്ട്ടിഫിക്കറ്റില് നിന്ന് പ്രധാനമന്ത്രിയുടെ ചിത്രം നീക്കണമെന്ന് കേന്ദ്ര തെരഞ്ഞെടുപ്പ് കമ്മീഷന്
Mar 6, 2021, 11:03 IST
ഡല്ഹി: കോവിഡ് വാക്സിന് സര്ട്ടിഫിക്കറ്റില് നിന്ന് പ്രധാനമന്ത്രിയുടെ ചിത്രം നീക്കണമെന്ന് കേന്ദ്ര തെരഞ്ഞെടുപ്പ് കമ്മീഷന്. നിയമസഭാ തെരഞ്ഞെടുപ്പ് പ്രഖ്യാപിച്ച സാഹചര്യത്തിലാണ് കമ്മീഷന്റെ നടപടി. കേരളം ഉള്പ്പെടെ നിയമസഭാ തെരഞ്ഞെടുപ്പ് നടക്കുന്ന സംസ്ഥാനങ്ങളിലും കേന്ദ്രഭരണ പ്രദേശമായ പുതുച്ചേരിയിലുമാണ് പ്രധാനമന്ത്രിയുടെ ചിത്രം നീക്കം ചെയ്യാന് നിര്ദേശിച്ചത്.കേന്ദ്ര ആരോഗ്യ മന്ത്രാലയത്തിനാണ് കമ്മീഷൻ നിര്ദേശം നല്കിയത്. പ്രധാനമന്ത്രിയുടെ ചിത്രം വാക്സിന് സര്ട്ടിഫിക്കറ്റില് ഉള്പ്പെടുത്തുന്നത് മാതൃക പെരുമാറ്റ ചട്ടത്തിന്റെ ലംഘനമാണെന്ന് കമ്മീഷന് വിലയിരുത്തിയതിനെ തുടർന്നാണ് നടപടി.