മന്ത്രവാദത്തിന്റെ മറവില് സ്വര്ണ്ണത്തട്ടിപ്പ്; യുവതിയെ പറ്റിച്ചത് തകിട് പൂജയുടെ പേരിൽ; തട്ടിയെടുത്തത് 25 പവൻ; വ്യാജ സിദ്ധന് പോലീസ് പിടിയിൽ
പരപ്പനങ്ങാടി: മന്ത്രവാദത്തിന്റെ പേരിൽ യുവതിയിൽ നിന്ന് 25 പവൻ സ്വർണം തട്ടിയ കേസിലെ പ്രതി അറസ്റ്റിൽ. തിരൂർ പുറത്തൂർ പുതുപ്പള്ളിയിൽ പാലക്കവളപ്പിൽ ശിഹാബുദ്ദീനാണ് (37) കൊടക്കാട് സ്വദേശിനിയായ യുവതിയുടെ പരാതിയെ തുടർന്ന് പിടിയിലായത്. കൊടക്കാട് സ്വദേശിനിയായ റാബിയ എന്ന സ്ത്രീയുടെ 25 പവന് സ്വര്ണം തട്ടിയയെടുതെന്ന് പരാതിയിലാണ് പരപ്പനങ്ങാടി പൊലീസ് ഷിഹാബുദ്ദീനെ അറസ്റ്റ് ചെയ്തത്. സമാനമായ നിരവധി കേസുകള് ഇയാളുടെ പേരിൽ മലപ്പുറം ജില്ലയിലെ വിവിധ സ്റ്റേഷനുകളിലുണ്ട്. തകിടുപയോഗിച്ച് മാന്ത്രികവിദ്യകൾ കാണിച്ച് കുടുംബപ്രശ്നങ്ങൾ തീർക്കുമെന്ന് വാഗ്ദാനം നൽകിയാണ് പ്രതി സ്വർണം തട്ടുന്നത്.പരപ്പനങ്ങാടി അഡി. എസ്.ഐ രാധാകൃഷ്ണന്, സിവിൽ പൊലീസുകാരായ ജിതിന്, വിവേക്, രാജ്യമണി എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.