കുവൈറ്റി നടൻ ആയ മിശാരി അൽ ബലാം അന്തരിച്ചു
Feb 26, 2021, 20:01 IST
കുവൈറ്റ് സിറ്റി :കുവൈറ്റി നടൻ ആയ മിശാരി അൽ ബലാം അന്തരിച്ചു .കോവിഡ് ബാധയെ തുടർന്നാണ് മരണം .48 വയസുള്ള അദ്ദേഹം കുവൈറ്റിലെ ഒരു ആശുപത്രിയിൽ അത്യാഹിത വിഭാഗത്തിൽ ചികിത്സയിൽ ആയിരുന്നു .ഇദ്ദേഹത്തിന്റെ അനിയൻ ,ഹാസൻ അൽ ബലാം ആണ് ഇൻസ്റാഗ്രാമിലൂടെ ഈ കാര്യം അറിയിച്ചത് .
കുവൈറ്റി ടി വി താരം മെയ് അൽ ഐഡൻ ഇദ്ദേഹത്തെ ആശുപത്രിയിൽ പ്രവേശിപ്പിച്ചതായി ശനിയാഴ്ച അറിയിച്ചിരുന്നു .രക്തത്തിൽ ഓക്സിജന്റെ അളവും തീരെ കുറവായിരുന്നു .ഫെബ്രുവരി 11 നു താരം കോവിഡിന്റെ ആദ്യ ഡോസ് വാക്സിൻ എടുക്കുന്ന ചിത്രം പങ്കു വെച്ചിരുന്നു .
തന്റെ ആരാധകരോട് ഇത് ചെയ്യാനും അദ്ദേഹം ആവശ്യപ്പെട്ടു .1991 -ൽ നാടകങ്ങളിലൂടെ ടി വിയിൽ എത്തിയ താരമാണ് ഇദ്ദേഹം .56 -ൽ അധികം പരിപാടികളിൽ ഇദ്ദേഹം നിറസാന്നിധ്യം ആയിരുന്നു .