വാഹനാപകടം; റിട്ട. അധ്യാപകന് മരിച്ചു
Feb 23, 2021, 10:58 IST
കണ്ണൂര്: പ്രഭാത സവാരിക്കിടെ റിട്ട. അധ്യാപകന് വാഹനമിടിച്ച് മരിച്ചു. മയ്യില് ചെക്യാട്ട് കാവിന് മുന്വശത്ത് താമസിക്കുന്ന യു. ബാലകൃഷ്ണന് മാസ്റ്ററാണ് (70) മരിച്ചത്. സാമൂഹിക സാംസ്കാരിക രാഷ്ട്രീയ രംഗത്തെ നിറസാന്നിധ്യമായിരുന്നു ഇദ്ദേഹം . കൂടാതെ സി.പി.എം എ.കെ.ജി നഗര് ബ്രാഞ്ചംഗവും കെ.എസ്.എസ്.പിയു ഇരിക്കൂര് ബ്ലോക്ക് ട്രഷററുമാണ്.
മയ്യില് എസ്.ബി.ഐ ബാങ്കിന് സമീപത്തെ പെട്രോള് പമ്ബിനടുത്താണ് അപകടം ഉണ്ടായത് . ചൊവ്വാഴ്ച പുലര്ച്ച അഞ്ചിന് മയ്യില് ഭാഗത്തുനിന്ന് കണ്ണൂര് ഭാഗത്തേക്ക് വന്ന കാറാണ് ഇടിച്ചത്. എന്നാൽ ഇടിച്ചിട്ട ശേഷം കാർ നിര്ത്താതെ പോകുകയായിരുന്നു. സംഭവത്തിൽ വാഹനത്തിനായി അന്വേഷണം ഊര്ജിതമാക്കിയതായി മയ്യില് പൊലീസ് അറിയിച്ചു.