വാലന്റൈൻസ് ദിനത്തിൽ ഒപ്പം വരാൻ വിസമ്മതിച്ചു, രണ്ടു മക്കളുടെ അമ്മ കൂടിയായ മുൻ കാമുകിയെ തട്ടിക്കൊണ്ടു പോയി 20കാരൻ; അറസ്റ്റ്
അരിസോണ: വാലന്റൈൻസ് ദിനത്തിൽ യാത്രപോകാൻ വിസമ്മതിച്ച മുൻ കാമുകിയെ തട്ടിക്കൊണ്ടുപോയ 20 കാരൻ അറസ്റ്റിൽ. യു.എസിലെ അരിസോണയിലാണ് സംഭവം. ഇസായ് കസ്പാർഡ് എന്ന യുവാവാണ് അറസ്റ്റിലായത്. വാലന്റൈൻസ് ദിനമായ ഫെബ്രുവരി 14ന് തനിക്കൊപ്പം വരൻ യുവാവ് നിർബന്ധിച്ചെങ്കിലും യുവതി വിസമ്മതിക്കുകയായിരുന്നു. തുടർന്നാണ് യുവാവ് മുൻ കാമുകിയായ യുവതിയെ തട്ടിക്കൊണ്ടു പോയത്. രണ്ടു കുട്ടികളുടെ മാതാവ് കൂടിയാണ് അക്രമത്തിന് ഇരയായ യുവതി. ഫെബ്രുവരി 10ന് യുവതിയെ ആക്രമിച്ചതിന്റെ പേരിൽ യുവാവ് അറസ്റ്റിലായിരുന്നു. പൊലീസ് പിന്നീട് ഇയാളെ വിട്ടയച്ചു. തുടർന്ന് യുവതിയുടെ വീട്ടിൽ വീണ്ടും എത്തിയ യുവാവ് പ്രണയ ദിനത്തിൽ പുറത്തുപോകാൻ ആദ്യം അഭ്യർഥിക്കുകയായിരുന്നു. യുവതി വിസമ്മതിച്ചോടെ മർദ്ദിക്കുകയുംബലം പ്രയോഗിച്ചു കാറിൽ കയറ്റികൊണ്ടുപോകുകയും ചെയ്തു. തുടർന്ന് അയൽവാസികൾ പൊലീസിൽ വിവരം അറിയിക്കുകയായിരുന്നു. പൊലീസെത്തി യുവാവിനെ പിടികൂടുകയും യുവതിയെ മോചിപ്പിക്കുകയുമായിരുന്നു.
പിടിയിലായ യുവാവ് ഇപ്പോൾ ജയിലിലാണ്.