വനം വകുപ്പില് ആദിവാസി വിഭാഗത്തില് നിന്നും 500 പുതിയ ബീറ്റ് ഫോറസ്റ്റ് ഓഫീസര്മാർ; യോഗ്യത എസ്എസ്എൽസി
Feb 10, 2021, 20:10 IST
തിരുവനന്തപുരം: വനം വകുപ്പില് ആദിവാസി വിഭാഗത്തില് നിന്നും 500 പുതിയ ബീറ്റ് ഫോറസ്റ്റ് ഓഫീസര്മാരെ നിയമിക്കും.എസ്.എസ്.എല്.സി യോഗ്യതയുള്ളവരെയാണ് ഈ തസ്തികയിലേക്ക് നിയമിക്കുക. എന്നാല് യോഗ്യതയുള്ളവരുടെ അഭാവത്തില് എസ്.എസ്.എല്.സി പൂര്ത്തിയാക്കിയവരെയും പരിഗണിക്കും. ഇതിനുവേണ്ടി പി.എസ്.സി മുഖേന സ്പെഷ്യല് റിക്രൂട്ട്മെന്റ് നടത്തും. പശ്ചിമഘട്ട മലനിരകളുടെ സംരക്ഷണം, പരിസ്ഥിതി സംരക്ഷണം, അനധികൃത കുടിയേറ്റം തടയല് തുടങ്ങിയ പ്രവര്ത്തനങ്ങള്ക്ക് വനം വകുപ്പില് പരിചിതരായ ജീവനക്കാരുടെ കുറവുണ്ട്. ഇത് കണക്കിലെടുത്താണ് ആദിവാസി സമൂഹത്തില് നിന്നും സ്പെഷ്യല് റിക്രൂട്ട്മെന്റ് നടത്താന് തീരുമാനിച്ചത്.