ചെങ്കോട്ടയിൽ പതാക കെട്ടിയത് നടൻ ദീപ് സിദ്ധുവിന്റെ അനുയായികളെന്ന് കർഷകർ
Jan 27, 2021, 09:34 IST
ന്യൂഡൽഹി: ചെങ്കോട്ടയിൽ പതാക ഉയർത്തിയ സംഭവം വൻ വിവാദമാകുകയാണ്. ഇതിനിടെ പതാക ഉയർത്തിയത് ഗായകനും നടനുമായ ദീപ് സിദ്ധുവിന്റെ അനുയായികളെന്ന് കർഷക സംഘടനകൾ ആരോപിച്ചു. ഭാരതീയ കിസാൻ യൂണിയന്റെ ഹരിയാന ഘടകത്തിന്റെ പ്രസിഡന്റായ ഗുർനാം സിങ്ങാണ് ഇത്തരമൊരു ആരോപണം ഉന്നയിച്ചു രംഗത്ത് എത്തിയത്. സിദ്ധു ബി.ജെ.പിയുടെ ഏജന്റാണെന്നും സണ്ണി ഡിയോൾ എം.പിക്കായി കഴിഞ്ഞ ലോക്സഭ തെരഞ്ഞെടുപ്പിൽ പ്രചാരണം നടത്തിയിരുന്നതായും കർഷക സംഘടനകൾ ആരോപിക്കുന്നുണ്ട്. കോൺഗ്രസ് എം.പി രൺവീത് സിങ് ബിട്ടുവും സമാനമായ ആരോപണം ഉന്നയിച്ചിട്ടുണ്ട്.