ദേശീയപാതയിലെ വാഹനാപകടം; ഭർത്താവിന് പിന്നാലെ ഭാര്യയും മരിച്ചു
Jan 26, 2021, 10:23 IST
തുറവൂർ: ദേശീയപാതയിൽ ഉണ്ടായ വാഹനാപകടത്തിൽ ഭർത്താവിന് പിന്നാലെ ഭാര്യയും മരിച്ചു.ദേശീയപാതയിൽ പട്ടണക്കാട് സ്കൂളിന് സമീപം കഴിഞ്ഞ വെള്ളിയാഴ്ച രാത്രി നടന്ന ബൈക്കപകടത്തിൽ പരിക്കേറ്റ് ചികിത്സയിലായിരുന്ന തുറവൂർ പഞ്ചായത്ത് 14ാം വാർഡിൽ പുത്തൻചന്ത കാരാളംതറ സന്തോഷിന്റെ ഭാര്യ രശ്മിയാണ് (35) മരിച്ചത്. സന്തോഷ് അപകടദിവസംതന്നെ മരിച്ചിരുന്നു. ദമ്പതികൾ സഞ്ചരിച്ച ബൈക്കിൽ പിക്അപ് വാൻ ഇടിക്കുകയായിരുന്നു. പുതിയകാവിലെ സ്വകാര്യ കമ്പനിയിലെ ജീവനക്കാരിയാണ് രശ്മി. ജോലി കഴിഞ്ഞ് ഭർത്താവിനോടൊപ്പം ബൈക്കിൽ വീട്ടിലേക്ക് മടങ്ങുമ്പോഴാണ് അപകടം. മക്കൾ: സ്വാതി, കാശിനാഥ്.