കല്ലുവാതുക്കല് യുവമോര്ച്ച നേതാവ് വാഹനാപകടത്തില് മരിച്ചു
ചാത്തന്നൂര്: പാരിപ്പള്ളിയിലുണ്ടായ വാഹനാപകടത്തില് യുവാവ് മരിച്ചു. യുവമോര്ച്ച കല്ലുവാതുക്കല് ഏരിയാ പ്രസിഡന്റ് സജിത് മോഹന് (22) ആണ് മരിച്ചത്.
കഴിഞ്ഞ രാത്രി ഏഴോടെ ദേശീയപാതയില് പാരിപ്പള്ളി ഐഒസി പമ്ബിന് സമീപത്തായിരുന്നു അപകടം നടന്നത് . വെല്ഡിംഗ് തൊഴിലാളിയായ സജിത് ജോലി കഴിഞ്ഞ് ബൈക്കില് വീട്ടിലേക്ക് പോകുകയായിരുന്നു. മലപ്പുറത്തു നിന്നും തിരുവനന്തപുരത്തേയ്ക്ക് മരുന്നു കൊണ്ടുപോവുകയായിരുന്ന പാഴ്സല് വാനാണ് ബൈക്കിലിടിച്ചത്.നാട്ടുകാര് ഉടന് തന്നെ യുവാവിനെ പാരിപ്പള്ളി മെഡിക്കല് കോളേജ് ആശുപത്രിയില് എത്തിച്ചെങ്കിലും രക്ഷിക്കാന് കഴിഞ്ഞില്ല. അപകടത്തില് ബൈക്ക് പൂര്ണമായും തകര്ന്നു.