നടൻ മുകേഷ് ഉൾപ്പെടെ നിയമസഭാ സമ്മേളനത്തില്‍ പങ്കെടുത്ത നാല് എംഎല്‍എമാര്‍ക്ക് കോവിഡ് സ്ഥിരീകരിച്ചു
Jan 18, 2021, 13:41 IST
തിരുവനന്തപുരം : നിയമസഭാ സമ്മേളനത്തില്‍ പങ്കെടുത്ത നാല് എംഎല്‍എമാര്‍ക്ക് കോവിഡ് സ്ഥിരീകരിച്ചു. നെയ്യാറ്റിന്‍കര എംഎല്‍എ കെ ആന്‍സലന്‍, കൊയിലാണ്ടി എംഎല്‍എ കെ ദാസന്‍, കൊല്ലം എംഎല്‍എ എം മുകേഷ്, പീരുമേട് എംഎല്‍എ ഇ എസ് ബിജിമോള്‍ എന്നിവര്‍ക്കാണ് കോവിഡ് സ്ഥിരീകരിച്ചത്.
കെ ദാസന്‍ എംഎല്‍എയും ആന്‍സലന്‍ എംഎല്‍എയും മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. നടനും എംഎല്‍എയുമായ മുകേഷ് വീട്ടില്‍ തന്നെ നിരീക്ഷണത്തില്‍ കഴിയുകയാണ്. നിയമസഭയുടെ ബഡ്ജറ്റ് സമ്മേളനത്തിലാണ് ഇവര്‍ പങ്കെടുത്തത്.
