കിണറ്റിൽ ചാടിയ യുവതിയെ ഒടുവിൽ രക്ഷപ്പെടുത്തിയത് ഫയർഫോഴ്സ്
നാദാപുരം: ഇയ്യങ്കോട് കിണറ്റിൽ ചാടിയ യുവതിയെ ഒടുവിൽ ഫയർഫോഴ്സ് എത്തി രക്ഷപ്പെടുത്തി. വ്യാഴാഴ്ച വൈകീട്ട് ആറുമണിയോടെയാണ് വീട്ടുമുറ്റത്തെ കിണറ്റിൽ യുവതി ചാടിയത്. 60 അടിയോളം താഴ്ചയും അഞ്ചടി വെള്ളവുമുള്ള കിണറ്റിൽനിന്ന് നാദാപുരം ഫയർഫോഴ്സ് സാഹസികമായി യുവതിയെ രക്ഷപ്പെടുത്തുകയായിരുന്നു. പരിക്കേറ്റ യുവതിയെ കല്ലാച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചേലക്കാട് ഫയർ സ്റ്റേഷനിൽനിന്ന് വി.വി. രാമദാസന്റെ നേതൃത്വത്തിൽ ഫയർ റസ്ക്യൂ ഓഫിസർമാരായ ആർ. രതീഷ്, പി. ഷിജേഷ്, ബബീഷ്, പി.ടി. വിവേക്, വിജേഷ്, ആർ. രഗിനേഷ്, പി.കെ. ജെയ്സൽ, കെ. ബിജു എന്നിവർ രക്ഷാപ്രവർത്തനത്തിൽ പങ്കെടുത്തു.