എന്റെ മത്സരം തെറ്റിപ്പോയെന്ന് ഞാന്‍ മനസിലാക്കി, ഞാന്‍ എങ്ങനെയാണോ അതുതന്നെ കണ്ടെത്താനുള്ളതായിരുന്നു ഈ മത്സരങ്ങള്‍..”, ജീവിതത്തെക്കുറിച്ച്‌ 30ാം വയസില്‍ സുശാന്ത് എഴുതിയത്
ജൂണ്‍ 14നാണ് സുശാന്തിനെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്.മാസങ്ങള്‍ പിന്നിട്ടിട്ടും നടന്‍ സുശാന്ത് സിങ്ങിന്റെ മരണം തീര്‍ത്ത ദുരൂഹത കെട്ടടങ്ങിയിട്ടില്ല. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് താരം എഴുതിയ ഒരു കത്താണ്.താരത്തിന്റെ സഹോദരി ശ്വേത സിങ്ങാണ് കത്ത് ട്വീറ്റ് ചെയ്തത്.തന്റെ 30 വയസുവരെയുള്ള ജീവിതത്തെക്കുറിച്ചാണ് താരം കത്തില്‍ പറയുന്നത്. തന്റെ മത്സരങ്ങളെല്ലാം തെറ്റായതായിരുന്നു എന്നാണ് സുശാന്ത് കുറിച്ചിരുന്നത്. എന്റെ ജീവിതത്തിലെ 30 വര്‍ഷങ്ങള്‍ ഞാന്‍ ചെലവഴിച്ചതായി കരുതുന്നു. ആദ്യ 30 എന്തെങ്കിലും ആവാനാണ് ഞാന്‍ ശ്രമിച്ചത്. എല്ലാ കാര്യങ്ങളിലും മികച്ചതാവാന്‍ ഞാന്‍ ആഗ്രഹിച്ചു.ടെന്നീസിലും സ്‌കൂളിലും പരീക്ഷയിലുമെല്ലാം മികച്ചതാവാനാണ് ആഗ്രഹിച്ചത്. എല്ലാക്കാര്യവും ഞാന്‍ ആ രീതിയില്‍ തന്നെയാണ് നോക്കിക്കണ്ടത്. ഞാന്‍ എങ്ങനെയാണോ അതില്‍ ഞാന്‍ സംതൃപ്തനല്ല. പക്ഷേ കാര്യങ്ങളിലെല്ലാം ഞാന്‍ മികച്ചതായിരുന്നെങ്കില്‍…
എന്റെ മത്സരം തെറ്റിപ്പോയെന്ന് ഞാന്‍ മനസിലാക്കി, കാരണം ഞാന്‍ എങ്ങനെയാണോ അതുതന്നെ കണ്ടെത്താനുള്ളതായിരുന്നു ഈ മത്സരങ്ങള്‍’- സുശാന്ത് കുറിച്ചു.
