മോദിയുടെ സത്യപ്രതിജ്ഞാ ചടങ്ങിൽ മമത ബാനർജി പങ്കെടുക്കും
May 29, 2019, 00:47 IST
കോൽക്കത്ത: പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞാ ചടങ്ങിൽ പശ്ചിമ ബംഗാൾ മുഖ്യമന്ത്രി മമത ബാനർജി പങ്കെടുക്കും. രാഷ്ട്രീയ വൈര്യം മറന്ന് മോദി സത്യപ്രതിജ്ഞയ്ക്കു ക്ഷണിച്ചപ്പോൾ മമത ക്ഷണം സ്വീകരിക്കുകയായിരുന്നു. സത്യപ്രതിജ്ഞാ ചടങ്ങ് ആയതിനാൽ പങ്കെടുക്കാൻ തീരുമാനിച്ചു. താൻ മറ്റ് മുഖ്യമന്ത്രിമാരോടും സംസാരിച്ചിട്ടുണ്ട്. അതെ, താൻ ചടങ്ങിൽ പങ്കെടുക്കുമെന്നും മമത പറഞ്ഞു. മോദി സർക്കാരിന്റെ പ്രധാനപ്രതിയോഗി ആയിരുന്ന മമതയെ സത്യപ്രതിജ്ഞാ ചടങ്ങിലേക്ക് ക്ഷണിച്ചത് വാർത്തയായിരുന്നു.