പി ജെ ജോസഫ് വിഭാഗത്തിന്റെ പിന്തുണയിൽ മുട്ടാറിൽ എൽഡിഎഫിന് ഭരണം
Dec 30, 2020, 15:19 IST
ആലപ്പുഴ: ആലപ്പുഴ മുട്ടാർ ഗ്രാമപഞ്ചായത്തിൽ എൽഡിഎഫ് ഭരണം പിടിച്ചു. കേരള കോണ്ഗ്രസ് പി.ജെ.ജോസഫ് വിഭാഗത്തിന്റെ പിന്തുണയിലാണ് എൽഡിഎഫിന് അധികാരം ലഭിച്ചത്. ജോസഫ് വിഭാഗത്തിലെ ലിനി ജോസഫ്, ഏഥൻ ജോസഫ് എന്നിവർ മുന്നണി മാറി എൽഡിഎഫിന് വോട്ടു ചെയ്യുകയായിരുന്നു. ഇതോടെ എൽഡിഎഫിലെ കേരള കോണ്ഗ്രസ് (എം) വിഭാഗം സ്ഥാനാർഥി മെർലിൻ ജോസഫ് പ്രസിഡന്റ് പദവിയിലെത്തി.
മുട്ടാർ പഞ്ചായത്തിൽ യുഡിഎഫിന് ഏഴും, എൽഡിഎഫിന് ആറും, ബിജെപിക്ക് രണ്ടും അംഗങ്ങലാണുള്ളത്. ഇതിലെ രണ്ടു യുഡിഎഫ് അംഗങ്ങളാണ് കൂറുമാറിയത്.