യു എസ് – ഇറാൻ സംഘർഷ സാധ്യത : പശ്ചിമേഷ്യയിലേക്ക് 10,000 സൈനികരെ അയക്കാൻ പെൻറഗൺ
വാഷിങ്ടൺ: ഇറാനുമായുള്ള ബന്ധം കൂടുതൽ വഷളായ സാഹചര്യത്തിൽ 10,000 സൈനികരെ കൂടി അയക്കാൻ യു.എസ് തയ്യാറെടുക്കുന്നു . വൈറ്റ്ഹൗസ് അനുമതി തേടി വിശദ പദ്ധതി അടുത്ത ദിവസം സമർപ്പിക്കുമെന്ന് യു.എസ് പ്രതിരോധ വിഭാഗമായ പെൻറഗൺ അറിയിച്ചു. സൈനികർക്ക് പുറമെ കൂടുതൽ യുദ്ധക്കപ്പലുകൾ, പാട്രിയറ്റ് മിസൈൽ പ്രതിരോധ സംവിധാനം തുടങ്ങിയവയും ഉണ്ടായേക്കാംഅതേസമയം, പശ്ചിമേഷ്യയിലെ യു.എസ് സൈനിക സാന്നിധ്യം ഘട്ടം ഘട്ടമായി കുറച്ചുകൊണ്ടുവരുമെന്ന് നേരത്തേ പ്രഖ്യാപിച്ച യു.എസ് പ്രസിഡൻറ് ഡോണൾഡ് ട്രംപിെൻറ നിലപാടിന് വിരുദ്ധമാണ് ഇൗ നീക്കം.അന്തിമ തീരുമാനമായിട്ടില്ലെന്നും അത്രയും സൈനികശക്തി അധികമായി ഗൾഫിൽ വിന്യസിക്കുന്നതിന് വൈറ്റ്ഹൗസ്സിന്റെ അനുവാദം കിട്ടുമെന്ന് ഉറപ്പില്ലെന്നും പ്രതിരോധ വകുപ്പ് വക്താവ് പറഞ്ഞു.ഇറാനെതിരെ ആക്രമണം തുടങ്ങില്ലെന്നും പ്രതിരോധം മാത്രമാണ് ലക്ഷ്യമെന്നും യു.എസ് വ്യക്തമാക്കുന്നുവെങ്കിലും സൈനിക സന്നാഹങ്ങൾ ശക്തിപ്പെടുത്തുന്നത് മേഖലയിൽ ആശങ്കക്ക് ഇടയാക്കുന്നുണ്ട് .
