കടലുണ്ടിയിൽ ‘നഗ്ന മനുഷ്യൻ’.! ദൃശ്യങ്ങൾ പതിഞ്ഞത് പരിസരത്തെ സി.സി.ടി.വി ക്യാമറകളിൽ; അന്വേഷണം
കടലുണ്ടി: കടലുണ്ടി വാക്കടവ് മേഖലയിൽ നഗ്ന മനുഷ്യൻ. ഇക്കഴിഞ്ഞ 29ന് പുലർച്ചെയാണ് പരിസരത്തെ പല സി.സി.ടി.വി ക്യാമറകളിലും പൂർണനഗ്നനായ അപരിചിതന്റെ ദൃശങ്ങൾ പതിഞ്ഞത്. വാക്കടവ്-റെയിൽവേ ഗേറ്റ് റോഡിലൂടെ നടക്കുന്നതായാണ് ദൃശ്യങ്ങൾ. അതേസമയം, ഇയാൾ പ്രദേശത്തോ പരിസരങ്ങളിലോ ഉള്ളയാളല്ലെന്നാണ് റിപ്പോർട്ട്. സംഭവത്തിൽ അന്വേഷണം നടത്തി കുറ്റവാളിയെ കണ്ടെത്തണമെന്ന് വാക്കടവ് റെസിഡൻറ്സ് അസോസിയേഷൻ ഫറോക്ക് പൊലീസിൽ പരാതി നൽകിയിട്ടുണ്ട്. മേഖലയിൽ കടൽത്തീരം കേന്ദ്രീകരിച്ച് മദ്യ-മയക്കുമരുന്ന് സംഘവും സാമൂഹ്യ വിരുദ്ധരും രാത്രികാലങ്ങളിൽ തമ്പടിക്കുന്നതായും നാട്ടുകാർ പറയുന്നു.