കോൺഗ്രസ് വിമത സ്ഥാനാർഥിയുടെ വീട്ടിൽ ചാരായം വാറ്റ്: ഭർത്താവ് പിടിയിൽ
കൂത്താട്ടുകുളം: കോൺഗ്രസ് വിമത സ്ഥാനാർഥിയുടെ വീട്ടിൽ ചാരായം വാറ്റിയ കേസിൽ ഭർത്താവ് അറസ്റ്റിൽ. ഇടയാർ പീടികപ്പടിക്ക് സമീപം കരകുഴുപ്പിള്ളിൽ കെ.എ. സ്കറിയയാണ് (57) അറസ്റ്റിലായത്. സ്കറിയയുടെ ഭാര്യ മേരി കൂത്താട്ടുകുളം നഗരസഭയിലെ 24ാം ഡിവിഷനിലെ കോൺഗ്രസ് വിമത സ്ഥാനാർഥിയാണ്. എക്സൈസിന് ലഭിച്ച വിവരത്തിന്റെ അടിസ്ഥാനത്തിൽ പിറവം റേഞ്ച് എക്സൈസ് ഇൻസ്പെക്ടർ എസ്. മധുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.പ്രിവൻറിവ് ഓഫിസർമാരായ ചാൾസ് ക്ലാർവിൻ, സാബു കുര്യാക്കോസ്, സിവിൽ എക്സൈസ് ഓഫിസർമാരായ ഉന്മേഷ്, ജയദേവൻ, വിനോദ്, ഹരിദാസ്, ജിഷ്ണു, വനിത സിവിൽ എക്സൈസ് ഓഫിസർ ടി.കെ. സൗമ്യ എന്നിവർ സംഘത്തിൽ ഉണ്ടായിരുന്നു.