ശബരിമലയില്‍ പോയതില്‍ പശ്ചാത്താപമില്ല, ഇനി പോകാന്‍ ആഗ്രഹിക്കുന്നില്ല;ബിന്ദു അമ്മിണി
Nov 29, 2020, 14:42 IST
കൊച്ചി: ശബരിമലയില്‍ പോയതില്‍ പശ്ചാത്താപമില്ലെന്നും ഇനി ജീവിതത്തില്‍ പോകാന്‍ ആഗ്രഹമില്ലെന്നും ബിന്ദു അമ്മിണി.താന്‍ ചിലരുടെ വേട്ടക്ക് ഇരയാവുകയാണെന്നും ബിന്ദു അമ്മിണി കൂട്ടിച്ചേര്‍ക്കുന്നു. ലോകമെങ്ങുമുള്ള സ്ത്രീകളുടെ ആത്മാഭിമാനം സംരക്ഷിക്കാന്‍ വേണ്ടിയാണ് ശബരിമലയിൽ പോയതാണെന്നും ബിന്ദു അമ്മിണി പറഞ്ഞു. കൂടാതെ അന്ന് മല കയറിയതിന്റെ പേരില്‍ മാധ്യമങ്ങളിലൂടേയും ഫോണിലും വധഭീഷണി വരെയുണ്ടാകുന്നുവെന്നും ബിന്ദു വ്യക്തമാക്കി. ഇതെക്കുറിച്ച് പരാതി നല്‍കിയിട്ടും പോലീസ് ഒന്നും ചെയ്യുന്നില്ല, നടപടി ഉണ്ടായില്ലെങ്കില്‍ കൊയിലാണ്ടി പൊലീസ് സ്റ്റേഷന് മുന്നില്‍ സത്യഗ്രഹം തുടങ്ങുമെന്നും ബിന്ദു അമ്മിണി വ്യക്തമാക്കി.
