ശനിയാഴ്ച മോഷണംപോയ നാലര പവന്റെ താലിമാല ചൊവ്വാഴ്ച വീട്ടുവരാന്തയിൽ.!
ന്യൂ മാഹി: ശനിയാഴ്ച പുലർച്ച വീട്ടിൽ നിന്നും മോഷണംപോയ നാലര പവൻ തൂക്കം വരുന്ന താലിമാല ചൊവ്വാഴ്ച അതെ വീടിന്റെ വരാന്തയിൽ നിന്നും കണ്ടെത്തി. ന്യൂ മാഹി എടന്നൂർ ശ്രീനാരായണ മഠത്തിനടുത്ത ആത്മേയത്തിൽ ഷിബിലയുടെ സ്വർണ മാലയാണ് ശനിയാഴ്ച പുലർച്ച നഷ്ടപ്പെട്ടതും തുടർന്ന് ചെവ്വാഴ്ച വീടിന്റെ വരാന്തയിൽ നിന്നും കണ്ടെത്തിയതും. ഒപ്പം നഷ്ടമായ മൊബൈൽ ഫോണും തിരികെ കിട്ടിയത്. കിടപ്പുമുറിയിലെ മേശ വലിപ്പിൽ മാല അഴിച്ചുവെച്ച് വാതിൽ അടച്ച് വീട്ടമ്മ പ്രഭാത സവാരിക്ക് പോകുകയായിരുന്നു, തുടർന്ന് വീട്ടിൽ തിരിച്ചുവന്നപ്പോഴാണ് മാല നഷ്ടപ്പെട്ട വിവരം ശ്രദ്ധയിൽപെട്ടത്. തുടർന്ന് പോലീസിൽ പരാതി നൽകുകയായിരുന്നു.പോലീസ് അന്വേഷണം നടത്തുന്നതിനിടെ ചൊവ്വാഴ്ച രാവിലെ വീട്ടുകാർ ഉണർന്ന് വാതിൽ തുറന്നപ്പോൾ വരാന്തയിൽ മാല കാണുകയായിരുന്നു.