മമ്മൂട്ടി പെട്ടെന്ന് പൊട്ടിത്തെറിക്കും,മോഹൻലാൽ വളരെ അപൂർവമായേ ദേഷ്യപ്പെടാറുള്ളു , പക്ഷെ അദ്ദേഹം ഇടഞ്ഞാൽ അത് വലിയ പ്രശ്നമാകും..;പ്രൊഡക്ഷൻ കൺട്രോളർ ബദറുദീൻ

സൂപ്പർ താരങ്ങളായ മമ്മൂട്ടിയെയും മോഹൻലാലിനെയും കുറിച്ച് തുറന്ന് പറയുകയാണ് പഴയകാല പ്രൊഡക്ഷൻ കൺട്രോളറും അഭിനേതാവുമായ ബദറുദീൻ.മോഹൻലാലും മമ്മൂട്ടിയുമായി അടുത്ത സൗഹൃദം പുലർത്തുന്ന അദ്ദേഹം അവരുടെ സ്വഭാവത്തിലെ വ്യത്യാസങ്ങളും എടുത്തു പറയുന്നു.

മോഹൻലാലിനെ കുറിച്ച് ശാന്തസ്വഭാവക്കാരനും എല്ലാവരുമായും വളരെ സ്നേഹത്തോടെയും സഹകരണത്തോടെയും മുന്നോട്ടു പോകുന്ന ആളെന്നാണ് അദ്ദേഹം പറയുന്നത് .

ആരെയും വേദനിപ്പിക്കാതെ, എല്ലാവരേയും പരിഗണിച്ചു മുന്നോട്ടു പോകുന്ന മോഹൻലാൽ വളരെ അപൂർവമായേ ദേഷ്യപ്പെടാറുള്ളു എന്നും, പക്ഷെ അദ്ദേഹം ഇടഞ്ഞാൽ അത് വലിയ പ്രശ്നമായി മാറുമെന്നും ബദറുദീൻ പറയുന്നു. ആ ദിവസം പിന്നെ അദ്ദേഹത്തെ നോക്കണ്ട എങ്കിലും തന്റെ സിനിമയെ ബാധിക്കുന്ന തരത്തിൽ പെരുമാറാറില്ല എന്നും ബദറുദീൻ പറഞ്ഞു.

മമ്മൂട്ടിയുടെ സ്വഭാവമാകട്ടെ നേരെ തിരിച്ചാണ് എന്നാണ് ബദറുദീൻ പറയുന്നത്. മമ്മൂട്ടിയുടെ പിടിവാശി കുറച്ചു കടുപ്പമാണ് എന്നാണ് ബദറുദീൻ വെളിപ്പെടുത്തുന്നത്. മമ്മൂട്ടി പെട്ടെന്ന് പൊട്ടിത്തെറിക്കുമെങ്കിലും ആ ദേഷ്യം കുറച്ചു നേരത്തേക്ക് മാത്രമേ ഉണ്ടാകു എന്നും ബദറുദീൻ വിശദീകരിച്ചു.

ഇരുവരും ഇത്ര വലിയ നിലയിൽ എത്തിയത് അവരുടെ ജോലിയോടുള്ള ആത്മാർത്ഥതയും സമർപ്പണവും അതുപോലെ കഠിനാദ്ധ്വാനവും കൊണ്ടാണെന്നും അദ്ദേഹം കൂട്ടിച്ചേർത്തു.