മാതാവിെൻറ മൃതദേഹത്തിനൊപ്പം 53കാരി കഴിഞ്ഞത് ഒമ്പതുമാസം; ഞെട്ടിക്കുന്ന സംഭവം മുംബൈയിൽ
മുംബൈ: മാതാവിന്റെ മൃതദേഹത്തിനൊപ്പം 53കാരിയായ മകൾ കഴിഞ്ഞത് ഒമ്പതുമാസം. മുംബൈയിലെ ബാന്ദ്രയിലെ ചുയിം വില്ലേജിലാണ് സംഭവം. കഴിഞ്ഞ ദിവസമാണ് ഇവരുടെ വീട്ടിൽ നിന്ന് 83കാരിയായ വൃദ്ധയുടെ ഒമ്പതു മാസത്തോളം പഴക്കമുള്ള മൃതദേഹം പൊലീസ് കണ്ടെത്തിയത്. മാതാവ് മരിച്ച വിവരം മകൾ ആരോടും പുറത്തുപറഞ്ഞിരുന്നില്ല. ഇവർ വീടിന്റെ ജനലിലൂടെ മാലിന്യം വലിച്ചെറിയുന്നുവെന്ന അയൽവാസിയുടെ പരാതിയെ തുടർന്ന് പൊലീസ് വീട്ടിലെത്തിയപ്പോഴാണ് വൃദ്ധയുടെ മൃതദേഹം കണ്ടെത്തുന്നത്. 53 കാരിയായ മകൾക്ക് മാനസിക അസ്വാസ്ഥ്യമുണ്ടെന്നാണ് റിപ്പോർട്ട്.കുറച്ചുവർഷങ്ങൾക്കുമുമ്പ് ഇവരുടെ വളർത്തുനായ് ചത്തപ്പോഴും ആരോടും പറയാതെ സൂക്ഷിച്ചുവെക്കുകയായിരുന്നു.വൃദ്ധയുടെ മൃതദേഹം പോസ്റ്റുമോർട്ടത്തിനായി കൂപ്പർ ആശുപത്രിയിലേക്ക് മാറ്റി.