ഭർതൃ വീട്ടിൽ യുവതി മരിച്ച സംഭവം കൊലപാതകം; ഭർത്താവ് അറസ്റ്റിൽ; കൊലപ്പെടുത്തിയത് യുവതിയുടെ തലപിടിച്ചു ഭിത്തിയിലിടിച്ച്; അന്വേഷണത്തിൽ നിർണായകമായത് ഫോറൻസിക് റിപ്പോർട്ട്
മഞ്ചേരി: ഭർതൃവീട്ടിൽ യുവതിയെ മരിച്ച നിലയിൽ കണ്ടെത്തിയ സംഭവം കൊലപാതകം. കേസിൽ പ്രതിയായ ഭര്ത്താവിനെ പൊലീസ് അറസ്റ്റ് ചെയ്തു. ഭര്തൃവീടിന്റെ മുറ്റത്ത് വീണ് മരിച്ച നിലയില് കണ്ടെത്തിയ വീട്ടമ്മ കൂമംകുളം നല്ലൂര്ക്ഷേത്രത്തിന് സമീപം കളത്തിങ്ങല് പ്രസാദിന്റെ ഭാര്യയും കോവിലകംകുണ്ട് ഉണ്ണികൃഷ്ണന്റെ മകളുമായ വിനിഷ (30) യുടെ മരണമാണ് കൊലപാതകമെന്ന് പോലീസ് കണ്ടെത്തിയിരിക്കുന്നത്.ഭാര്യക്ക് പരപുരുഷബന്ധമുണ്ടെന്ന് സംശയിച്ചിരുന്നു ഭര്ത്താവ് പ്രസാദ് യുവതിയുടെ മൊബൈല് ഫോണ് പരിശോധിക്കുന്നതിനായി ആവശ്യപ്പെടുകയായിരുന്നു.അതേസമയം,മൊബൈൽ നല്കാന് വിനിഷ വിസമ്മതിക്കുകയായിരുന്നു. തുടര്ന്നുണ്ടായ വാക് തര്ക്കത്തിനിടയില് വിനിഷയുടെ തല പിടിച്ചു പ്രസാദ് ചുമരില് ഇടിക്കുകയായിരുന്നു. മൂക്കില് നിന്ന് രക്തം വന്നതിനെ തുടര്ന്ന് വീട്ടുകാര് ഉടന് മഞ്ചേരിയിലെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. അതേസമയം, മകളുടെ മരണത്തിൽ സംശയം തോന്നിയ പിതാവ് മഞ്ചേരി സിഐക്ക് പരാതി നൽകുകയായിരുന്നു. ഇതിനിടെ മഞ്ചേരി അഡീഷണല് എസ് ഐ ഉമ്മര് മേമന ഇന്ക്വസ്റ്റ് ചെയ്ത മൃതദേഹം മഞ്ചേരി ഗവണ്മെന്റ് മെഡിക്കല് കോളേജില് പോസ്റ്റ്മോര്ട്ടത്തിന് ശേഷം ബന്ധുക്കള് ഏറ്റുവാങ്ങി കുടുംബ ശ്മശാനത്തില് സംസ്കരിച്ചിരുന്നു. എന്നാൽ പിതാവ് നൽകിയ പരാതിയുടെ അടിസ്ഥാനത്തില് മലപ്പുറത്തു നിന്ന് ഫോറന്സിക് വിഭാഗം സംഭവ സ്ഥലത്തെത്തി വിശദമായി നടത്തിയ പരിശോധനയിലാണ് മരണം കൊലപാതകമാണെന്ന് തെളിഞ്ഞത്. തുടര്ന്ന് അയല്വാസികളില് നിന്ന് മൊഴിയെടുത്ത പൊലീസ് പ്രസാദിനെ ചോദ്യം ചെയ്യുകയായിരുന്നു. പതിനൊന്നു വര്ഷം മുമ്പായിരുന്നു ഇവരുടെ വിവാഹം. ഈ ബന്ധത്തില് വൈഗ (9), ആദിദേവ് (5), കിച്ചു (രണ്ടര) എന്നിങ്ങനെ മൂന്ന് മക്കളുണ്ട്. സി ഐ സി അലവിയുടെ നേതൃത്വത്തിൽ അറസ്റ്റ് ചെയ്ത പ്രസാദിനെ മഞ്ചേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി (ഒന്ന്) 14 ദിവസത്തേക്ക് റിമാന്റ് ചെയ്തു.