ഫേസ്ബുക്കിലൂടെ പരിചയപ്പെട്ട 14കാരിയെ കാണാൻ മോഹം, അർധരാത്രി വീട്ടിലെത്തിയ 19കാരൻ പിടിയിൽ
ചങ്ങനാശ്ശേരി: ഫേസ്ബുക്കിലൂടെ പരിചയപ്പെട്ട 14കാരിയായ പെണ്കുട്ടിയെ കാണാന് അർധരാത്രി വീട്ടിലെത്തിയ യുവാവ് പിടിയില്. തിരുവനന്തപുരം അമ്പലത്തുങ്കല് കുളത്തുങ്കല് കാട്ടാക്കട പുത്തന്വീട്ടില് രതീഷിനെയാണ് (19) വാകത്താനം പൊലീസ് പിടികൂടിയത്. ഇക്കഴിഞ്ഞ 15ന് രാത്രിയാണ് സംഭവം. തിരുവനന്തപുരത്തുനിന്ന് പ്രതി ബൈക്കിലാണ് പെണ്കുട്ടിയുടെ നാട്ടിലെത്തിയത്. പെൺകുട്ടിയുടെ വീട്ടുകാരുടെ പരാതിയിൽ വാകത്താനം സി.ഐ കെ.പി. ടോംസണിെൻറ നേതൃത്വത്തില് തിരുവനന്തപുരത്തുനിന്ന് പോക്സോ പ്രകാരം അറസ്റ്റ് ചെയ്ത പ്രതിയെ റിമാന്ഡ് ചെയ്തു. പെണ്കുട്ടിയെ ചൈല്ഡ് വെല്ഫെയര് സെൻററിലേക്ക് മാറ്റി.