കൊച്ചി: ജില്ലയില്‍ പട്ടികവര്‍ഗ വികസന ഓഫീസിനു കീഴില്‍ നിലവിലുളള പട്ടികവര്‍ഗ പ്രമോട്ടര്‍മാരുടെ ഒഴിവിലേക്ക് നിയമനം നടത്തുന്നതിനും തുടര്‍ ഒഴിവുകളിലേക്ക് റാങ്ക് പട്ടിക തയാറാക്കുന്നതിനും വാക്-ഇന്‍-ഇന്റര്‍വ്യൂ നടത്തുന്നു. താത്പര്യമുളള 25 വയസിനും 50 വയസിനും ഇടയില്‍ പ്രായമുളളതും എട്ടാം ക്ലാസ് വിദ്യാഭ്യാസ യോഗ്യതയെങ്കിലുമുളള (ഉയര്‍ന്ന വിദ്യാഭ്യാസ യോഗ്യതയുളളവര്‍ക്ക് മുന്‍ഗണന) ജില്ലയില്‍ സ്ഥിരതാമസക്കാരായ പട്ടികവര്‍ഗ യുവതീയുവാക്കള്‍ ജാതി, വിദ്യാഭ്യാസ യോഗ്യത, ജനനതീയതി, മറ്റ് യോഗ്യതകള്‍, ജോലിപരിചയം (ഉണ്ടെങ്കില്‍) ഇവ തെളിയിക്കുന്ന അസല്‍ രേഖകള്‍ സഹിതം മെയ് 31-ന് രാവിലെ 11-ന് മൂവാറ്റുപുഴ മുടവൂരില്‍ മിനി സിവില്‍ സ്റ്റേഷനില്‍ ഒന്നാംനിലയില്‍ പ്രവര്‍ത്തിക്കുന്ന ജില്ലാ പട്ടികവര്‍ഗ വികസന ഓഫീസില്‍ കൂടിക്കാഴ്ചയ്ക്ക് ഹാജരാകണം. വിശദവിവരങ്ങള്‍ക്ക് ഫോണ്‍ 0485-2814957, 9496070337, 9496070360, 9496070361.
പട്ടികവര്‍ഗ പ്രമോട്ടര്‍മാരുടെ വാക്-ഇന്‍-ഇന്റര്‍വ്യൂ
May 23, 2019, 08:46 IST
