വോട്ടെടുപ്പ് കഴിഞ്ഞു; ഇന്ധനവില തുടർച്ചയായ രണ്ടാം ദിവസവും കൂടി
May 21, 2019, 12:12 IST
ന്യൂഡൽഹി: ലോക്സഭയിലേക്കുള്ള വോട്ടെടുപ്പ് അവസാനിച്ചതിനു പിന്നാലെ തുടർച്ചയായ രണ്ടാം ദിവസവും ഇന്ധനവില വർധിച്ചു. കേന്ദ്ര ഉടമസ്ഥതയിലുള്ള ഓയിൽ മാർക്കറ്റിംഗ് കന്പനികൾ തിങ്കളാഴ്ച തന്നെ പെട്രോൾ വില വർധിപ്പിച്ചിരുന്നു. വില വർധനവ് വരും ദിവസങ്ങളിലും തുടരുമെന്നാണു സൂചന.
തിങ്കളാഴ്ച പെട്രോൾ വില 8-10 പൈസയാണ് വർധിച്ചത്. ചൊവ്വാഴ്ച കന്പനികൾ പെട്രാളിന് അഞ്ചു പൈസ കൂട്ടി. ഡീസൽ വില തിങ്കളാഴ്ച 15-16 പൈസ വർധിപ്പിച്ചപ്പോൾ, ചൊവ്വാഴ്ച 9-10 പൈസയാണ് കൂട്ടിയത്.