ട്രാഫിക് നിയമ ലംഘനങ്ങള് ; കോഴിക്കോട് നഗരത്തില് ‘സ്പെഷല് ഡ്രൈവ്’
കോഴിക്കോട്: കോഴിക്കോട് ജില്ലയിലെ നഗര പരിധിയില് വര്ധിച്ചുവരുന്ന വാഹനാപകടങ്ങള് കുറയ്ക്കുന്നതിന്റെ ഭാഗമായി കര്ശന നടപടികളുമായി ട്രാഫിക് പോലീസ് രംഗത്ത് . ഒരോദിവസവും പ്രത്യേകം സമയം നിശ്ചയിച്ച് നഗരത്തിലെ വിവിധ ഭാഗങ്ങളില് ഇന്നുമുതല് ‘സ്പെഷല് ഡ്രൈവ് ‘നടത്താനാണ് തീരുമാനം. സിറ്റിപോലീസ് കമ്മീഷണര് എ.വി.ജോര്ജിന്റെ നിര്ദേശപ്രകാരമാണിത്.നിയമലംഘനം പിടികൂടാന് മഫ്ടി പോലീസിന്റെ സേവനവും പ്രയോജനപ്പെടുത്തും .നഗരത്തിലെ ഭൂരിഭാഗം പോലീസ് ഉദ്യോഗസ്ഥരും ഡ്രൈവില് പങ്കെടുക്കും. മൂന്നുപേരെവച്ച് ബൈക്ക് ഓടിക്കല് , മദ്യപിച്ച് വാഹനമോടിക്കുക, തെറ്റായ വശത്തുകൂടിയുള്ള ഓവര്ടേക്കിംഗ്, അമിത വേഗത, തുടങ്ങി എല്ലാ നിയമലംഘനങ്ങളും പിടികൂടുകയാണ് ലക്ഷ്യം. , സണ്ഫിലിം ഉപയോഗിക്കല് , ഫാന്സി നമ്ബര് പ്ലേറ്റുകള് എന്നീ നിയമലംഘനങ്ങള് പിടികൂടാന് പ്രത്യേകം ശ്രദ്ധകേന്ദ്രീകരിക്കും. സമാന രീതിയിലുള്ള നിയമലംഘനം ശ്രദ്ധയില്പ്പെട്ടാല് പൊതുജനങ്ങള്ക്ക് 1090 എന്ന നമ്ബറിലോ, വാട്ട്സ് ആപ്പ് നമ്പറായ 6238488686 ലോ അറിയിക്കാം.