കാര്ഷിക വിളകള്ക്ക് അടിസ്ഥാന വില നിര്ണയിക്കാന് മന്ത്രിസഭായോഗത്തിൽ തീരുമാനം
Oct 21, 2020, 23:51 IST
തിരുവനന്തപുരം: കര്ഷകര്ക്ക് പിന്തുണ നല്കി കാര്ഷിക മേഖലയില് അഭിവൃദ്ധിയുണ്ടാക്കാനുള്ള തീരുമാനത്തിന്റെ ഭാഗമായി 16 ഇനം കാര്ഷിക വിളകള്ക്ക് അടിസ്ഥാന വില നിര്ണയിക്കാന് മന്ത്രിസഭായോഗത്തിൽ തീരുമാനം. നവംബര് ഒന്നിന് ഈ പദ്ധതി നിലവില് വരുമെന്ന് മുഖ്യമന്ത്രി പിണറായി വിജയൻ ഫേസ്ബുക്കിലൂടെ അറിയിച്ചു.
മരച്ചീനി, ഏത്തക്കായ, കൈതച്ചക്ക, കുമ്പളം, വെള്ളരി, പാവല്, പടവലം, വള്ളിപ്പയര്, തക്കാളി, വെണ്ട, കാബേജ്, കാരറ്റ്, ഉരുളക്കിഴങ്ങ്, ബീന്സ്, ബീറ്റ്റൂട്ട്, വെളുത്തുള്ളി എന്നീ 16 ഇനങ്ങള്ക്കാണ് അടിസ്ഥാന വില ഉറപ്പാക്കുന്നത്. ഉൽപ്പാദനച്ചെലവും ഉൽപാദനക്ഷമതയും കണക്കിലെടുത്താണ് അടിസ്ഥാന വില തീരുമാനിക്കുക. വിപണിവില ഇതിലും കുറയുമ്പോള് അടിസ്ഥാന വില കര്ഷകന് ലഭ്യമാക്കുന്നതാണ് പദ്ധതി.