റീപോളിംഗില് മുഖാവരണം ധരിച്ചെത്തുന്നവരെ പരിശോധിക്കും ; ജില്ലാ കലക്ടര്
കാസര്കോട് : ഇന്ന് റീപോളിംഗ് നടക്കാനിരിക്കുന്ന ബൂത്തുകളില് വോട്ട് രേഖപ്പെടുത്തുന്നതിനായി മുഖാവരണം ധരിച്ചെത്തുന്നവരെ പരിശോധിക്കുമെന്ന് വരണാധികാരി കൂടിയായ കാസര്ഗോഡ് ജില്ലാ കളക്ടര്. വോട്ടര്മാരെ പരിശോധിക്കാന് വനിതാ ജീവനക്കാരെ നിയമിക്കുമെന്നും കലക്ടര് ഡി. സജിത് ബാബു അറിയിച്ചു. വോട്ടര്മാര്ക്ക് തിരിച്ചറിയല് കാര്ഡുകള് ആവശ്യമാണെന്നും കലക്ടര് അറിയിച്ചു .വോട്ട് രേഖപ്പെടുത്താന് എത്തുന്നവര് തെരഞ്ഞെടുപ്പ് കമ്മീഷന് നല്കിയ തിരിച്ചറിയല് രേഖയോ, കമ്മീഷന് നിര്ദേശിച്ച 11 രേഖകളില് ഏതെങ്കിലും ഒന്നോ ഹാജരാക്കിയാല് മാത്രമേ വോട്ട് ചെയ്യാന് സാധിക്കൂവെന്നും കളക്ടര് വ്യക്തമാക്കി.
പര്ദ ധരിച്ച് വോട്ട് ചെയ്യാന് എത്തിച്ചേരുന്നവരുടെ കാര്യത്തില് മുഖാവരണം മാറ്റിയാല് മാത്രമേ വോട്ടറെ തിരിച്ചറിയാന് കഴിയൂ എന്നും ,ഇതിനായി കര്ശന നടപടി സ്വീകരിക്കണമെന്നും ആവശ്യപ്പെട്ട് സിപിഎം കണ്ണൂര് ജില്ലാ സെക്രട്ടറി എം വി ജയരാജന് കലക്ടര്ക്ക് പരാതി നല്കിയിരുന്നു .