Nature
Times Kerala
News|Events|Travel & Tourism|Entertainment|Health|

എന്റെ പേര് ക്രിക്കറ്റിലേക്ക് വലിച്ചിഴക്കുന്നത് നിര്‍ത്തുക..;സുനില്‍ ഗവാസ്‌കറോട് അനുഷ്‌ക ശര്‍മ

റോയല്‍ ചലഞ്ചേഴ്‌സ് കിംഗ്‌സ് ഇലവന്‍ പഞ്ചാബ് മത്സരത്തിനിടെ കമന്ററിക്കിടയില്‍ സുനില്‍ ഗവാസ്‌കര്‍ നടത്തിയ വിവാദ പരാമര്‍ശത്തില്‍ പ്രതികരണവുമായി അനുഷ്‌ക ശര്‍മ. ലോക്ഡൗണ്‍ സമയത്ത് അനുഷ്‌കയുടെ ബൗളിംഗിലാണ് കോഹ്‌ലി പരിശീലിച്ചതെന്നും ഇത് മതിയാവില്ലെന്നുമായിരുന്നു സുനില്‍ ഗവാസ്‌കറുടെ പരാമര്‍ശം.

എന്റെ പേര് ക്രിക്കറ്റിലേക്ക് വലിച്ചിഴക്കുന്നത് നിര്‍ത്തുക എന്നാണ് അനുഷ്‌ക ഗവാസ്‌കറോട് പറയുന്നത്.

‘മിസ്റ്റര്‍ ഗവാസ്‌കര്‍, നിങ്ങളുടെ സന്ദേശം വെറുപ്പുളവാക്കുന്നതാണെന്ന് ഒരു വസ്തുതയാണ്. പക്ഷെ എന്തു കൊണ്ടാണ് ഭര്‍ത്താവിന്റെ ഗെയിമിനായി ഒരു ഭാര്യയെ കുറ്റപ്പെടുത്തിക്കൊണ്ട് ഈ പ്രസ്താവന നടത്തിയത് എന്ന് നിങ്ങള്‍ വിശദീകരിക്കണമെന്ന് ഞാന്‍ ആഗ്രഹിക്കുന്നു. എല്ലാ ക്രിക്കറ്റര്‍മാരുടെയും സ്വകാര്യ ജീവിതത്തെ നിങ്ങള്‍ ബഹുമാനിക്കുന്നുവെന്ന് എനിക്കുറപ്പുണ്ട്. അതേ ബഹുമാനം എനിക്കും ഞങ്ങള്‍ക്കും തരണമെന്ന് നിങ്ങള്‍ കരുതുന്നില്ലേ?

എന്റെ ഭര്‍ത്താവിന്റെ പ്രകടനത്തെ പറ്റി പറയാന്‍ ഒരു പാട് വാക്കുകള്‍ നിങ്ങളുടെ മനസ്സിലുണ്ടായിരുന്നു എന്നെനിക്കറിയാം. അല്ലെങ്കില്‍ എന്റെ പേര് ഉപയോഗിച്ചാല്‍ മാത്രമേ ഇതിന് പ്രാതിനിധ്യം ഉണ്ടാവൂ എന്നാണോ? ഇത് 2020 ആണ്. പക്ഷെ എന്റെ കാര്യത്തില്‍ മാറ്റമൊന്നും വന്നിട്ടില്ല.

You might also like

Comments are closed.