വധശ്രമക്കേസ് പ്രതിക്കായി ലുക്കൗട്ട് നോട്ടീസ് ഇറക്കി പോലീസ്
Sep 23, 2020, 13:30 IST
ഇരവിപുരം: വധശ്രമക്കേസിലെ പ്രതിയ്ക്കായി ഇരവിപുരം പൊലീസ് ലുക്കൗട്ട് നോട്ടീസ് പുറപ്പെടുവിച്ചു. പുന്തലത്താഴം പെരുങ്കുളം നഗർ ചരുവിള വീട്ടിൽ ആദർശിനെ (26) കണ്ടെത്തുന്നതിനായാണ് ലുക്കൗട്ട് നോട്ടീസ്.കഴിഞ്ഞ പതിനേഴിന് രാത്രി ഏഴോടെ ചൂരാങ്ങൽ പാലത്തിനടുത്തു വച്ച് 23 വയസ്സ് കാരനായ യുവാവിനെ ആക്രമിച്ച് ഗുരുതരമായി പരിക്കേൽപിച്ച കേസിലാണ് ഇയാൾക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചത്. നിരവധി ക്രിമിനൽ കേസുകളിൽ പ്രതിയായ ഇയാളെ കണ്ടെത്തുന്നതിന് ഇരവിപുരം പൊലീസ് വ്യാപകമായി തിരച്ചിൽ ആരംഭിച്ചിട്ടുണ്ട്.