കള്ളവോട്ട് നടന്നതായി സ്ഥിരീകരിച്ച മൂന്നു ബൂത്തുകളില്‍കൂടി നാളെ റീ പോളിംഗ്
തിരുവനന്തപുരം: കണ്ണൂര്‍, കാസര്‍ഗോഡ് ജില്ലകളിലെ മൂന്നു ബൂത്തുകളില്‍കൂടി നാളെ റീപോളിംഗ് ഇതോടെ കള്ളവോട്ട് നടന്നതായി സ്ഥിരീകരിച്ച ഏഴിടത്തും റീ പോളിംഗ് നടക്കും. കാസര്‍ഗോഡ് തൃക്കരിപ്പൂര്‍ ബൂത്ത് നമ്ബര്‍ 48 കൂളിയോട് ജിഎച്ച്‌എസ് ന്യൂ ബില്‍ഡിംഗ്, കണ്ണൂര്‍ ധര്‍മടം ബൂത്ത് നമ്ബര്‍ 52 കുന്നിരിക്ക യുപിഎസ് വേങ്ങാട് നോര്‍ത്ത്, ബൂത്ത് നമ്ബര്‍ 53 കുന്നിരിക്ക യുപിഎസ് വേങ്ങാട് സൗത്ത് എന്നിവിടങ്ങളിലാണ് റീ പോളിംഗ് നടത്തുക.കാസര്‍ഗോഡ് മണ്ഡലത്തിലെ കല്യാശേരി ബൂത്ത് നമ്ബര്‍19 പിലാത്തറ, ബൂത്ത് നമ്ബര്‍ 69 പുതിയങ്ങാടി ജുമാഅത്ത് എച്ച്‌എസ് നോര്‍ത്ത് ബ്ലോക്ക്, ബൂത്ത് നമ്ബര്‍ 70 ജുമാഅത്ത് എച്ച്‌എസ് സൗത്ത് ബ്ലോക്ക്, കണ്ണൂര്‍ തളിപ്പറന്പ ബൂത്ത് നമ്ബര്‍ 166 പാന്പുരുത്തി മാപ്പിള എയുപിഎസ് എന്നിവിടങ്ങളില്‍ റീപോളിംഗ് നടത്താന്‍ കഴിഞ്ഞ ദിവസം തെരഞ്ഞെടുപ്പു കമ്മീഷന്‍ നിര്‍ദ്ദേശിച്ചിരുന്നു.
