കല്യാണം കഴിക്കുന്നുണ്ടെങ്കിൽ, അത് യാതൊരു വേലയും കൂലിയും ഇല്ലാത്ത, ഈ മിമിക്രികാരനെ മാത്രമായിരിക്കും’ എന്ന ഈ സ്ത്രീയുടെ അപകടകരമായ ആ ദൃഢനിശ്ചയത്തിന് ഇന്ന് 24 വയസ്സ്..; രസകരമായ കുറിപ്പ് പങ്കുവെച്ച് സലിം കുമാർ
നിരവധി സിനിമകളിൽ പ്രേക്ഷകരെ പൊട്ടിചിരിപ്പിച്ചിട്ടുള്ള നടനാണ് സലിം കുമാര്. തനിക്ക് ഹാസ്യം മാത്രമല്ല ഗൗരവമുള്ള വേഷങ്ങളും വഴങ്ങുമെന്ന് മികച്ച നടനുള്ള ദേശീയ, സംസ്ഥാന പുരസ്കാരങ്ങള് നേടി അദ്ദേഹം തെളിയിച്ചിട്ടുമുണ്ട്. ഇപ്പോളിതാ 24ാം വിവാഹവാർഷികത്തിൽ സോഷ്യൽ മീഡിയയിൽ രസകരമായ കുറിപ്പ് പങ്കുവെച്ചിരിക്കുകയാണ് സലിം കുമാർ. ജോലിയൊന്നുമില്ലാതിരുന്ന മിമിക്രി കലാകാരനെ വിവാഹം കഴിക്കാൻ തീരുമാനിച്ച ഈ സ്ത്രീയുടെ ദൃഢനിശ്ചയത്തിന് ഇന്ന് 24 വയസ്സെന്ന് സലിം കുമാർ പറയുന്നു.
സലിം കുമാറിന്റെ കുറിപ്പ് വായിക്കാം:
‘കല്യാണം കഴിക്കുന്നുണ്ടെങ്കിൽ, അത് യാതൊരു വേലയും കൂലിയും ഇല്ലാത്ത, ഈ മിമിക്രികാരനെ മാത്രമായിരിക്കും’ എന്ന ഈ സ്ത്രീയുടെ അപകടകരമായ ആ ദൃഢനിശ്ചയത്തിന് ഇന്ന് 24 വയസ്സ് പൂർത്തീകരിക്കുകയാണ്.
ഒരുപാട് തവണ മരിച്ച് പുറപ്പെട്ടു പോകാൻ തുനിഞ്ഞ എന്നെ ഇവിടെ പിടിച്ചു നിർത്തിയതും ഇവരുടെ മറ്റൊരു ദൃഢനിശ്ചയം തന്നെ. എങ്ങനെ നന്ദി പറയണം എന്നറിയില്ല.. ആഘോഷങ്ങൾ ഒന്നുമില്ല..എല്ലാവരുടെയും പ്രാർത്ഥനകൾ ഉണ്ടാകും എന്ന വിശ്വാസത്തോടെ
നിങ്ങളുടെ സ്വന്തം സലിം കുമാർ