സ്വവര്‍ഗ വിവാഹം നിയമവിധേയമാക്കി തായ്വാന്‍ പാര്ലമെന്റ്
തായ്പേയ്: സ്വവര്‍ഗ വിവാഹം നിയമവിധേയമാക്കി തായ്വാന്‍ പാര്ലമെന്റ് . ഈ നിയമം പാസാക്കുന്ന ഏഷ്യയിലെ ആദ്യത്തെ രാജ്യമാണ് തായ്വാന്‍. ഇതോടെ വിവാഹം കഴിക്കുന്ന ഒരേ ലിംഗത്തിലുള്ളവര്‍ക്ക് ടാക്സ്, ഇന്‍ഷുറന്‍സ്, കുട്ടികളുടെ കസ്റ്റഡി അടക്കമുള്ള പൂര്‍ണ്ണ വൈവാഹിക അവകാശങ്ങളിലുള്ള നിയമപരിരക്ഷ ലഭ്യമാകും .2017ല്‍ തന്നെ തായ്വാനിലെ ഭരണഘടനാ കോടതി സ്വവര്‍ഗ വിവാഹം നിയമവിധേയമാക്കി ഉത്തരവിട്ടിരുന്നു. ശേഷം പാര്ലമെന്റ് നിയമം അംഗീകരിക്കാന്‍ രണ്ട് വര്‍ഷത്തെ സമയമെടുത്തു. തായ്വാന്‍ ദ്വീപിലെ എല്‍.ജി.ബി.ടി വിഭാഗത്തിെന്‍റ ദീര്‍ഘനാളായുള്ള പരിശ്രമങ്ങളുടെ വിജയമാണ് പുതിയ നിയമം.രാജ്യത്ത് എതിര്‍ലിംഗത്തിലുള്ളവര്‍ വിവാഹം കഴിച്ചാല്‍ ലഭിക്കുന്ന എല്ലാ വൈവാഹിക അവകാശങ്ങളും ലഭിക്കണമെന്നായിരുന്നു തായ്വാനിലെ എല്‍.ജി.ബി.ടി വിഭാഗത്തിെന്‍റ ആവശ്യം. നിയമത്തിനെതിരെ പ്രതിപക്ഷമായ കണ്‍സര്‍വേറ്റീവ് ഗ്രൂപ്പ് രംഗത്തെത്തിയിരുന്നു. നിയമം പരിഗണിക്കവേ പാര്‍ലമെന്‍റിന് പുറത്ത് നിരവധി സ്വവര്‍ഗാനുരാഗികള്‍ തടിച്ചുകൂടിയിരുന്നു.
