‘തോർ’ എന്ന ചിത്രത്തിലൂടെ പ്രശസ്തനായ നടൻ ഐസക് കപ്പി ജീവനൊടുക്കിയെന്നു റിപ്പോർട്ട്
തോർ എന്ന ചിത്രത്തിലൂടെ പ്രശസ്തനായ നടൻ ഐസക് കപ്പി (42) ജീവനൊടുക്കിയെന്നു റിപ്പോർട്ട്. അരിസോണ പൊതുസുരക്ഷാ വകുപ്പാണ് ഇക്കാര്യം അറിയിച്ചത്. അരിസോണയിലെ ഫ്ളാഗ്സ്റ്റാഫിനു സമീപം കപ്പി ഒരു പാലത്തിൽനിന്നു ചാടുകയായിരുന്നെന്നാണു റിപ്പോർട്ട്.
നിരവധി സിനിമകളിൽ കപ്പി അപ്രധാന വേഷങ്ങൾ ചെയ്തിട്ടുണ്ട്. 2011-ൽ പുറത്തിറങ്ങിയ ബ്ലോക്ബസ്റ്റർ ചിത്രം തോറിൽ ഒരു പെറ്റ് സ്റ്റോർ ഉടമയായാണ് ഐസക് വേഷമിട്ടത്. ടെർമിനേറ്റർ, ഫാൻബോയ്സ് സിനിമകളിലും അഭിനയിച്ചിട്ടുണ്ട്.
മരിക്കുന്നതിനു മുന്പ് ഒരു ദീർഘമായ കുറിപ്പ് കപ്പി ഇൻസ്റ്റാഗ്രാമിൽ പോസ്റ്റ് ചെയ്തിരുന്നു. ഒന്നും നഷ്ടപ്പെടാൻ ഇല്ലാത്ത മനുഷ്യനെ ഒന്നും തന്നെ സംരക്ഷിക്കില്ല എന്നു പറഞ്ഞുകൊണ്ടാണ് ഈ കുറിപ്പ് ആരംഭിക്കുന്നത്.