യാത്രയ്ക്കിടയില് ഇന്ത്യക്കാരന് മരിച്ചു; വിമാനം യുഎഇയില് അടിയന്തരമായി നിലത്തിറക്കി
May 15, 2019, 21:59 IST
അബുദാബി: ഡല്ഹിയില്നിന്നു മിലാനിലേക്കുള്ള വിമാന യാത്രയ്ക്കിടയില് ഇന്ത്യക്കാരന് മരിച്ചു. അലിറ്റാലിയ വിമാനം യുഎഇയില് അടിയന്തരമായി നിലത്തിറക്കി. രാജസ്ഥാന് സ്വദേശി കൈലേഷ് ചന്ദ്ര സൈനി (52) ആണ് മരിച്ചത്. കൈലേഷിനൊപ്പം മകന് ഹീര ലാലും വിമാനത്തില് ഉണ്ടായിരുന്നു. മൃതദേഹം മഫ്റഖ് ആശുപത്രിയിലേക്ക് മാറ്റി ചൊവ്വാഴ്ച ബോഡി ബന്ധുക്കള്ക്ക് വിട്ടുനല്കി.