വിദ്യാർഥിനികളോട് അപമര്യാദയായി പെരുമാറിയ കേസ്: പ്രതിക്ക് മൂന്ന് വർഷം കഠിന തടവിനും 25,000 രൂപ പിഴയും
Aug 12, 2020, 10:57 IST
പാലക്കാട്: വിദ്യാർഥിനികളോട് അപമര്യാദയായി പെരുമാറുകയും, ലൈംഗികമായി അതിക്രമം നടത്താൻ ശ്രമിക്കുകയും ചെയ്ത കേസിൽ പ്രതിക്ക് ശിക്ഷ വിധിച്ചു. കണ്ണാടി മണലൂർ കൊടക്കാട് വീട്ടിൽ ഉദയകുമാറിനെ (50)യാണ് പാലക്കാട് ഫസ്റ്റ് അഡീഷനൽ സെഷൻസ് കോടതി (പോക്സോ) എസ്. മുരളീകൃഷ്ണ മൂന്ന് വർഷം കഠിന തടവിനും 25,000 രൂപ പിഴയടക്കാനും ശിക്ഷിച്ചിരിക്കുന്നത്..പിഴ അടക്കാത്ത പക്ഷം മൂന്ന് മാസത്തെ അധിക തടവ് അനുഭവിക്കണം. പാലക്കാട് ടൗൺ സൗത്ത് പോലീസാണ് കേസ് രജിസ്റ്റർ ചെയ്തത്.