ഇന്ത്യന്‍ ക്രിക്കറ്റില്‍ പുതു ചരിത്രമെഴുതി ലക്ഷ്മി; അന്താരാഷ്ട്ര ക്രിക്കറ്റ് കൗണ്‍സിലിന്റെ ആദ്യ വനിതാ മാച്ച്‌ റഫറിയെന്ന ബഹുമതി
May 15, 2019, 07:22 IST
ദുബായ്: അന്താരാഷ്ട്ര ക്രിക്കറ്റ് കൗണ്‍സിലിന്റെ (ഐസിസി) ആദ്യ വനിതാ മാച്ച്‌ റഫറിയെന്ന ബഹുമതി മുന്‍ ഇന്ത്യന്‍ താരം കൂടിയായ ജിഎസ് ലക്ഷ്മി സ്വന്തമാക്കി. ക്ലയര്‍ പൊളോസാക് എന്ന ഓസ്‌ട്രേലിയന്‍ വനിതാ അമ്ബയര്‍ ഈ മാസം ആദ്യം പുരുഷന്‍മാരുടെ മത്സരം നിയന്ത്രിച്ചതിന് പിന്നാലെയാണ് ഐസിസിയുടെ മറ്റൊരു തീരുമാനം. ഇതോടെ അന്താരാഷ്ട്ര മത്സരങ്ങളില്‍ മാച്ച്‌ റഫറിയാകാന്‍ ലക്ഷ്മിക്ക് സാധിക്കും. 2008-09 സീസണില്‍ വനിതകളുടെ മൂന്ന് ആഭ്യന്തര ക്രിക്കറ്റ് മത്സരം ലക്ഷ്മി നിയന്ത്രിച്ചിരുന്നു.
