ബെയ്റൂട്ട് സ്ഫോടനം ആസൂത്രിത അക്രമണമാണെന്നു സംശയിക്കുന്നതായി ഡൊണാൾഡ് ട്രംപ്

വാഷിങ്ടണ്‍: ലബനീസ് തലസ്ഥാനമായ ബെയ്‌റുട്ടിൽ ഉണ്ടായ ശക്തമായ സ്‌ഫോടനങ്ങൾ ഒരു ഭീകരാക്രമണമാണെന്നു സംശയിക്കുന്നതായി യു.എസ് പ്രസിഡന്റ് ഡൊണാൾഡ് ട്രംപ്. വൈറ്റ്ഹൗസില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. സ്ഫോടനം ഏതെങ്കിലും തരത്തിലുള്ള ബോംബ് മൂലമാകാമെന്ന് യുഎസ് ജനറല്‍മാര്‍ തന്നോട് പറഞ്ഞതായും ട്രംപ് പറഞ്ഞു.ഇത് ഏതെങ്കിലും നിര്‍മാണശാലകളിൽ ഉണ്ടാകുന്ന തരത്തിലുള്ള പൊട്ടിത്തെറിയായിരുന്നില്ലെന്നാണ് വിലയിരുത്തലെന്നും, ലബനന് വേണ്ട സഹായം നല്‍കാന്‍ തയ്യാറാണെന്നും ട്രംപ് അറിയിച്ചു.