വരാപ്പുഴ കസ്റ്റഡി മരണം; എസ്ഐ ദീപക്കിനെ റിമാൻഡ് ചെയ്തു
കൊച്ചി: വരാപ്പുഴ കസ്റ്റഡി മരണവുമായി ബന്ധപ്പെട്ട് അറസ്റ്റിലായ എസ്ഐ ജി.എസ്. ദീപക്കിനെ കോടതി റിമാൻഡ് ചെയ്തു. പതിനാല് ദിവസത്തേക്കാണ് ദീപക്കിനെ റിമാൻഡ്. എട്ടു മണിക്കൂറോളം നീണ്ട ചോദ്യം ചെയ്യലിനുശേഷം ഇന്നലെ രാത്രി ഏഴോടെയാണ് ദീപക്കിന്റെ അറസ്റ്റ് രേഖപ്പെടു ത്തിയത്. കൊലപാതകം, അന്യായമായി തടങ്കലിൽവയ്ക്കൽ, ദേഹോപദ്രവം ഏൽപിക്കൽ എന്നീ കുറ്റങ്ങൾ എസ്ഐക്കെതിരേ ചുമത്തിയിട്ടുണ്ട്.
ശ്രീജിത്തിനെ വീട്ടിൽനിന്നു കസ്റ്റഡിയിലെടുത്ത റൂറൽ ടൈഗർ ഫോഴ്സ് (ആർടിഎഫ്) അംഗങ്ങളായ ജിതിൻ രാജ്, സന്തോഷ്കുമാർ, സുമേഷ് എന്നിവരെ നേരത്തെ അറസ്റ്റ് ചെയ്തിരുന്നു. ഇവരാണ് ആദ്യ മൂന്നു പ്രതികൾ. എസ്ഐ ദീപക് നാലാം പ്രതിയാണ്.