യുഎസ് മുൻ പ്രഥമ വനിത ബർബറ ബുഷ് അന്തരിച്ചു
ഹൂസ്റ്റൺ: യുഎസ് മുൻ പ്രഥമ വനിത ബർബറ ബുഷ്(92) അന്തരിച്ചു. 1989-93 കാലഘട്ടത്തില് യുഎസ് പ്രസിഡന്റായിരുന്ന ജോർജ് എച്ച്.ഡബ്ല്യു.ബുഷിന്റെ പത്നിയാണ്.
ഭർത്താവും മകനും യുഎസ് പ്രസിഡന്റാകുന്നതു കണ്ട ഏക വനിതയാണു ബർബറ. ജീവിതത്തിന്റെ അവസാന കാലഘട്ടത്തിൽ ആശുപത്രി ചികിത്സ വേണ്ടെന്നു വച്ചിരുന്നു ബർബറ. ഹൂസ്റ്റണിലെ വസതിയിൽ ശിഷ്ടകാലം കുടുംബാംഗങ്ങളുടെ പരിചരണയിൽ കഴിയാനാണ് ആഗ്രഹമെന്നായിരുന്നു മുൻ പ്രഥമ വനിത പറഞ്ഞിരുന്നത്.
ജോർജ് എച്ച്.ഡബ്ല്യു.ബുഷും (93) ബർബറയും വിവാഹിതരായിട്ട് 73 വർഷമായി. 2000ൽ മകൻ ജോർജ് ഡബ്ല്യു.ബുഷ് 43-ാമത്തെ യുഎസ് പ്രസിഡന്റായി തെരഞ്ഞെടുക്കപ്പെട്ടു.