സ്വപ്‍നയെ കസ്റ്റഡിയിലെടുത്തത് കുടുംബത്തോടൊപ്പം; നാളെ കൊച്ചിയിലെത്തിക്കും
Jul 11, 2020, 21:21 IST
ബംഗളൂരു: നയതന്ത്ര സ്വർണക്കടത്തു കേസിലെ മുഖ്യ പ്രതികളായ സ്വപ്ന സുരേഷും സന്ദീപ് നായരും എൻഐഎ കസ്റ്റഡിയിൽ. ബംഗളൂരുവിൽനിന്നാണ് എൻഐഎ അന്വേഷണ സംഘം ഇരുവരെയും കസ്റ്റഡിയിലെടുത്തത്. അതേസമയം, സ്വപനയെ കുടുംബത്തോടൊപ്പമാണ് അന്വേഷണ സംഘം കസ്റ്റഡിയിലെടുത്തത്. മൂന്നു ദിവസം കൊച്ചിയിൽ കഴിഞ്ഞ ശേഷമാണ് ഇവർ ബെംഗളുരുവിലേക്ക് കടന്നത്. കസ്റ്റഡിയിലെടുത്ത ഇരുവരെയും ഞായറാഴ്ച രാവിലെ കൊച്ചിയിലെ എൻഐയെ അസ്ഥാനത്ത് എത്തിക്കുമെന്നാണ് വിവരം.
