നീണ്ട ഇടതൂർന്ന തലമുടി സ്വന്തമാക്കാൻ ടിപ്സുമായി മേക്കപ്പ് ആര്ട്ടിസ്റ്റ് അനില ജോസഫ്
ലയാള സിനിമയിലെ അറിയപ്പെടുന്ന സെലിബ്രിറ്റി മേക്കപ്പ് ആർട്ടിസ്റ്റാണ് അനില ജോസഫ്. ഇപ്പോളിതാ തലമുടി സംരക്ഷണത്തിനായി ടിപ്സ് പങ്കുവെച്ചിരിക്കുകയാണ് അനില. വീട്ടിലിരുന്ന് ചെയ്യാവുന്ന ഒരു ഹെയര് മാസ്കിനെ കുറിച്ചാണ് അനില ജോസഫ് വിഡിയോയിലൂടെ പറയുന്നത്. തലമുടി സംരക്ഷണത്തിനായി താനിത് സ്ഥിരമായി ചെയ്യാറുണ്ടെന്നും അനില പറഞ്ഞു.
ഇതിനായി കുറച്ച് ചുവന്ന അരിയും വെള്ള അരിയും എടുക്കണം. ശേഷം ഇവ ഒരുമിച്ച് ഒരു പാത്രത്തിലേക്ക് ഇടാം. ഇതിലേക്ക് രണ്ട് കപ്പ് വെള്ളം ഒഴിക്കാം. ശേഷം ഇവ മൂടിവയ്ക്കണം.
24 മണിക്കൂറിന് ശേഷം അരി നന്നായി ആ വെള്ളത്തില് തന്നെ കഴുകണം. എന്നിട്ട് ഈ വെള്ളം തലയില് പുരട്ടി മസാജ് ചെയ്യാം. എല്ലാ ദിവസവും കുളിക്കുന്നതിന് മുന്പ് ഇങ്ങനെ ചെയ്യുന്നത് തലമുടിയുടെ ആരോഗ്യത്തിന് നല്ലതാണെന്ന് അനില ജോസഫ് പറയുന്നു. തലമുടി തഴച്ചുവളരാനും തിളക്കം ലഭിക്കാനും ഇങ്ങനെ ചെയ്യുന്നത് സഹായിക്കുമെന്നും അനില പറയുന്നു.