” ഹർത്താലിന്റെ പേരിൽ തെമ്മാടിത്തം നടത്തുകയാണ് ” സോഷ്യല് മീഡിയ ഹര്ത്താലിനെതിരെ പാര്വ്വതി
Apr 16, 2018, 15:21 IST
മലപ്പുറം: സോഷ്യല് മീഡിയ ആഹ്വാനം ചെയ്ത ഹര്ത്താലിനെതിരെ നടി പാര്വ്വതി രംഗത്ത്. ഹർത്താലിന്റെ പേരിൽ തെമ്മാടിത്തം നടത്തുകയാണെന്ന് നടി പാർവതി ട്വിറ്ററിലൂടെ പ്രതികരിച്ചു. ‘വഴി തടയുകയും റോഡിലിറങ്ങി ആളുകൾ അസഭ്യം പറയുകയും ചെയ്യുകയാണ്. കോഴിക്കോട് വിമാനത്താവളം–ചെമ്മാട്–കൊടിഞ്ഞി–താനൂർ റോഡിലാണ് പ്രശ്നം.’–പാർവതി പറഞ്ഞു. തൻെറ സന്ദേശം ആളുകളിൽ എത്തിക്കണമെന്നും സുരക്ഷിതരായി ഇരിക്കണമെന്നും പാർവതി പറയുന്നു. പൊലീസ് സ്ഥലത്തെത്തി ആളുകളെ അറസ്റ്റ് ചെയ്യുന്നുണ്ടെന്നും പാർവതി ട്വീറ്റിലൂടെ അറിയിച്ചു.